الفرق بين القنوات الفضائية العراقية والعربية

و

طرائف عراقية

 

الطرائف والنكت على الطريقة العراقية :

·        قال أن بوش إستدعى مدير مخابراته المركزيه سئله عن سر معرفة العراقيين بأسرارنا قبل أن تعلمون بها أنتم ؟

أجاب مدير المخابرات المركزية قائلا أن العراقيين لديهم حاسة الـ ( شكو ماكو )؟!

وفي يوم من الايام .. حينها قرر بوش أن يذهب بنفسه الى بغداد متنكرا بالعقال العربي واللهجة العراقية وكان له أن يتوجه الى أول عراقي إلتقاه في الشارع وبادره بالسؤال شكو ماكو؟

-  أجابه العراقي والله ما أدري يكولون بوش في بغداد .

 

·        أكو كردي بالصحراء عطلت سيارته طلع من السيارة شلع الباب وراح ليش؟؟؟

-  على مود لمن يحتر يفتح الجامة !!!

  

·        مرة فيل اتجوز نمله وبعد ايام زهق منها فقالها انتي طالق يا نمله

فقالت النملة:  والفيل اللي في بطني !

  

·        واحد اخذ الدوا قبل موعده ليش؟

- على مود يفاجئ الجراثيم !!

- أو نكول بعد الإحتلال : على مود يعمل سوبرايز(Surprise)  للجرائيم!

  

·        محشش سأل محشش كم الساعة معك؟ .. قال مدري.

قال غريبة انا معي مدري إلا خمس !!

  

·        شرطه قبضت على محشش قالت اركب السيارة قال لا مشكورين بيتي قريب!!!

  

·        اثنين مساجين خططوا يقتلون الحارس ويهربون راحوا شافوا الحارس مموجود رجعوا كالوا للاسف الخطة فشلت!!!

  

·        كردي گال لابنه "اطلع رش الحديقة" گلة "بابا الدنيا دتمطر" گلة "لك لا تتحجج اخذ شمسية واطلع"

  

·        كردي گلولة شنو أصعب موقف بحياتك؟..گللهم من أزين لحيتي وأني أعلج

  

·        عصبي كتب بطاقة دعوة لعرسه: اللي يجي ليمصخهه ويتأخر واللي يتأخر طبه مرض لايتزقنب عشة واللي ميجي طز بي مو صوجة صوج الي عزمة وانعل ابوكم لابو العزمكم ... قزرقط !

  

·        اربعين كردي ديفتحون برغي مال سيارة.... واحد لازم الدرنفيس و39 ديفرون بالسيارة

  

·        كردي يريد يدخل للمؤتمر كالوا ممنوع تدخلوا الموبايل

- كال أني بايل قبل ما أجي

  

·        كردي صعد للسما  شاف نجمة وقمر كال يالله هم شفت علم تركماني

  

·        كردي صباغ  يريد يصبغ حايط بدى حطوا جوا جرايد فكال حطوا بعد بعدني مدا انوش

  

·        تعلن عشائر الرافدين عن فقيدها الراحل  (الكهرباء) والدكل من نور وضياء  ومكيف الهواء وشقيقها المرحوم (الماء) وستقام الفاتحة على روحه الطاهرة في كافة دور العراق عدا بيت الرئيس والسادة الوزراء بحضور الشيخ فانوس والشريفة لالة

  

غزل عراقي جديد:

 

·        من ورى حبك نسيت دروسي امتحنت انكليزي جاوبت روسي وجعت بطني وشلعت ضروسي

 

·        كلمة مني وكلمة منك حب مني شوق منك خمسين مني ومية منك نشتري جبس

 

·         عاشق عراقي لحبيبته : موت سنة من الجوع وأمشي ونعالي مقطوع ولا انحرم من رسالتك أسبوع

 

·        عاشق وأسنانه مكسورة : نفثي ارثلك بوثة ياعثل يا ثمثم ياثكر بث اثتحي لان اثناني مكثورة

 

·        دلع عراقي بعد الإحتلال: تناري فنتاري بمبم هاري بعني احبك بالهنكاراي

 

·        غزل ارهابي : ياريت شفايفي طيارة وخدك مبنى التجارة ونتصادم كل يوم ونخلي أمريكا محتارة

  

هذولة احنا العراقيين

*******

 

الفرق بين القنوات الفضائية العراقية والعربية

 

دش ستلايت قنوات فضائية برامج اخبار اغاني من كل مكان وبلد شتريد موجود ترفيه طرب دراما.

وهاي جوله بالمحطات الفضائية المشفره والفري ونشوف الفرق بين قنوات العراق وقنوات الدول العربية:

 

قناة دبي

تعرض افتتاح فندق جديد جوه الماي وافتتاح بحيره فوق النخل وقريه سياحيه براس الشارع ومركز تجاري وصناعي واجتماعي واقتصادي وعلمي وادبي وكلشي وكلاشي

 

قناة الشرقيه العراقية

مقتل 17 شخص بانفجار في حفله عرس وجرح جميع المعزومين ماعدا ام العروسه حماة العريس كلشي مابيها مع العلم ان العبوه الناسفه جانت بحضنها وماصاربيها شئ بس شنو شويه اتوصخ ثوبها

واتگطع من جهة الصدر والرجلين يعني صارت هيفاء وهبي من تغني

 

قناة ال بي سي البنانيه

نقل حفله في اكبر شوارع بيروت للفنانه الشحروره صباح اللي مانعرف شوكت تموت ولقد سلطت الاضواء على الصره مال بطنها اللي صايره يم خشمها بسبب كثره عمليات شد البشره اللي تسويها الشحروره بحيث انسحبت الصره من البطن الى قرب الخشم وقالت انه الطبيب المختص جان مستعجل فشد البشره شده قويه جر وياها الصره بس ميرسي لله ماسحب غير شئ.

 

قناة البغداديه العراقية

انفجار باكبر شوارع بغداد في منطقه باب الشرجي في بغداد الذي يكثر فيه محلات بيع الفلافل ولقد اكد مصدر في وزاره الداخليه ان الانفجار ليس عبوه ناسفه انما هو انفجار بشري ادى الى تحطم زجاج المحلات بالبصره وموت 150 شخص بالموصل وادى الى تعطل اجهزه الاتصالات بجنوب استراليا بس شنو من انفجار مدوي الله يستر من البقوليات.

 

قناة العراقية الفضائية

تعرض انفجار بالمنطقه الشيعيه وعبوه ناسفه بالمثلث السني واشتباك بمنطقه كردستان وحوادث بالمنطقه اللي مالها دخل بالعمليه السياسه وحوادث تفال وشتايم بالمنطقه الخظراء وخطف ارهابيون رهينتين رجل وزوجته في ليله الزفاف من الفندق ولقد توسل الزوج يمعودين بس ربع ساعه عوفوني وحدي وية زوجتي تره فشله بالعشيره شيكولون عني فاشل تقبلها انت يا ارهابي هسه بس بوسه وبعدين اخذونا وكصوا راسنا وطلعونا على العربية لو الجزيرة .

 

قناة المصرية الفضائية

تعرض مهرجان الافلام السنوي بمشاركه جميع الدول باستثناء العراق لانه هو صاير فلم وتخلل الحفل دك وركص وركع اصبعتين .

 

قناة الفيحاء العراقية

انفجارات متتاليه لمده 23 ساعه بهذا اليوم بقه ساعه وحده وتصير 24  يعني يوم واحد والساعه الاخيره من هذا اليوم صار بيه اشتباكات اسفرت عن جرح واحد فقط هم رحمه من الله لان الاشتباكات صارت بالقنادر مو بالاسلحه وعند نقل المجروح الى المستشفى صار انفجار بالمستشفى ومات المجروح اللي اسمه الثلاثي سعيد فرحان كلش من عشيرة محظوظ جدا .

  

 

قناة البحرين الفضائية

افتتاح مطار جديد وشارع جديد وفندق جديد ومتحف جديد ومدرسه جديده وكليه جديد عبالك باجر العيد كله جديد بجديد وعين الحسود بيها عود جديد هماتين.

 

قناة الديار العراقية

مصرع ومقتل ووفاة وخطف واغتصاب وتعذيب وقطع راس هذا طبعا الموجز اما  التفاصيل هناك يم المشرحه مما ادى الى استنكار السيد رئيس الجمهوريه وطلب بتحسين المشرحه وجعلها سياحيه وخصص مبلغ 250 مليون دولار لبناء ثلاجات جثث سعه مليون راكب وطالب بتحسين اوضاع الموتى العراقين.

 

قناة بلو سكاي المشفره

ماشفتها اذا ابويه لازك بالبيت كل ما اريد افتحها واتفرج يفوت على  غرفتي يكلي اذن الاذان اكلة لا بعده يروح ويرجع واسد القناه الى ان كتله اي اذن روح حتى اخذ راحتي اشو من فتحتها جان يجي يكلي لا مو هسه هذا اذان مال اخوانه السنه شلون طركاعه.

  

قناة الفرات العراقية

احتج مدير قناة الفرات لانه قنوات العراق الفضائية كلها عرضت كل اللي ماتوا بالانفجارات ومابقة اي ميت تعرضه قناة الفرات وگال هسه على الاقل مجروح واحد نعرضه شنو تگاطعت الناس محد يساعد.

 

قناة روتانا

دك عيني دك للصبح اغاني وركص ودنبك وهلاهل وجق اصبعتين مو مثل قناة الفرات العراقية يدور مجروح يعرضه بالتلفزيون.

  

قناة العراقي السعيد الفضائية

تعرض وقائع احتفال شعب العراق بقدوم السنه الجديده حيث في الساعه 12  ليلا عمت الفرحه ارجاء بغداد دار السلام وشلون سلام يخبل عمت الفرحه الساعه 12 مو علمود السنه الجديده انما على مود الكهرباء اجت لمده ساعتين حتى تشغل الناس الماطور تصعد ماي الى التانكي حتى ثاني يوم يغسل المواطن هو وزوجته واطفاله كلهم سويه جوه الدوش لانه الماي مايكفي يغسل واحد وره الواحد كلهم سويه لانه العراق هسه ينعم بالشفافيه لابس من غير هدوم والتعدديه كلها تفوت تغسل سويه تحت دوش واحد وصابون واحده وليفه واحده ووطن واحد وشعب واحد واكيد مو بوري واحد انما 20 مليون بوري لكل مواطن عراقي بوري .

 

هاي القنوات العراقية والعربية والفرق واضح بين الحياة والموت بين من يبني وبين من يدمر.

ونكرر ونكول هذولة احنا العراقيين.

 

أعده أبن كركوك

A  Y  A  D